Orta məktəb şagirdi, məktəbin kompüter sisteminə girərək, dərs qeydlərini yüksəltmə cəhdindən mühakimə olunacaq.
Fransanın pas-de-Calais bölgəsindəki Arras qəsəbəsindəki bir orta məktəbdə təhsil alan 15 yaşındakı şagird, məktəbin kompüter sisteminə internet vasitəsilə girərək, dərs qeydlərini yüksəltmə cəhdindən uşaq məhkəməsində mühakimə olunacaq.
Kompüter qulduru müəllimləri tərəfindən təsbit edilən və haqqında polisə şikayət edilən gəncin, dərs qeydlərinin də heç də pis olmadığı bildirildi.
La Voix du Nord adlı yerli qəzet, xüsusi Saint-Joseph orta məktəbində oxuyan gəncə, məktəb tərəfindən iki gün dərslərə girməmə cəzası verildiyi barədə yazı dərc etdi.

Bütün səylərinə baxmayaraq məktəbin kompüter sisteminə girə bilməyən gəncin, hirsliliyini aradan qaldırmaq üçün 40 mini aşan e-poçt ataraq, məktəbin kompüter sistemini çökdürdüyü bildirildi.
Məktəb idarəsi, məhkəməyə müraciətində, şagirdin ailəsinin, pozulan kompüter sisteminin təmir edilməsi üçün edilən xərcləri qarşılamasını tələb etdi.
Yerli Jandarma tərəfindən qısa davamlı olaraq nəzarətə alınan gəncin evindəki otağında edilən axtarışda, haker üçün lazımlı proqramlar ələ keçirildi.
Prokurorluq, kompüter quldurluğu edən gəncin işlədiyi cinayətin fərqində olmadan hərəkət etdiyini və etdiyi işi bir oyun kimi gördüyünü bildirdi.